'கூந்தலிலே நெய் தடவி குளிர் விழியில் மை தடவி' என்ற இந்த பாட்டு வாலி இயற்றி,  பார்த்தசாரதி  இசை அமைத்து, ஜானகியும் ஜேசுதாசும் பாடி,  மணிமாலாவும் நாகேஷும் நடித்து,  1970 ல்  வெளிவந்த  கல்யாண ஊர்வலம் படத்தில் உள்ளது. பொதுவாக 100க்கு  99 சதவீத திரைப்படப்பாடல்கள் ஒரு ஆணும் பெண்ணும் சேர்ந்து பாடினால் அது  காதலன்-காதலி அல்லது கணவன்-மனைவி என்று தான் இருக்கும். மிக அரிதாக அண்ணன் -தங்கை , அக்கா - தம்பி என்று இருக்கும். ஆனால் இந்த பாடல் சித்தப்பா -அண்ணன் மகள் என்று ஒரு புது  காம்பினேஷனில் அமைந்தது. இந்த திரைப்படத்தைப்பார்க்காமல் பாடலை மட்டும் கேட்டோமானால் ஆண் பாடும்போது 'என் அண்ணன் மகள்' என்ற வார்த்தைகள் வரும் வரை பாடுவது மணிமாலாவின் சித்தப்பா நாகேஷ் என்பது தெரியாது. இந்த பாடலை படமாக்கியவிதத்திலும் மணிமாலாவின் முகபாவம் ஆண் குரலில் 'என் அண்ணன் மகள்' என்ற வார்த்தைகள் வரும் வரை கேள்விக்குறியோடு இருக்கும். எனக்கு மிகவும் பிடித்த பாடல்களில் இது ஒன்று. 

இதோ பாடலின் வரிகள்.

​​இதோ அந்த பாடலின்  வீடியோ.

அன்புடன் 

ஜெ. சந்தானகிருஷ்ணன் 

1.10.2018 

"கல்லைத்தான் மண்ணைத்தான் காய்ச்சித்தான் குடிக்கத்தான் கற்பித்தானா? இல்லைத்தான் பொன்னைத்தான் எனக்குத்தான் கொடுத்துத்தான் ரட்சித்தானா?"

என்ற ராமச்சந்திர கவிராயரின் பாடலை மனதில் கொண்டு நமது கவிஞர் கண்ணதாசன் 1963ம் வருடம் பாவ மன்னிப்பு படத்திற்கு எழுதிய  

"அத்தான் என் அத்தான் அவர் என்னைத்தான் எப்படிச்சொல்வேனடி" 

என்ற பாடல் என்று கேட்டாலும் செவிக்கு இனிமையாக இருக்கும். கீழே அந்த பாடலை அது பிறந்த விதத்தை திரு.MSV அவர்களே  விவரிப்பதைக் கேட்கும் பொழுது அந்த காலத்தில் எவ்வளவு சிரத்தையுடன் திரையில் பணியாற்றி இருக்கிறார்களென்று ஆச்சரியப்பட வைக்கிறது. 

இப்படிக்கு 

சந்தானகிருஷ்ணன் 

(JS)

   

​தரிசனம் என்ற படத்தில் TMS ம் , L.R.ஈஸ்வரியும் சேர்ந்து பாடிய ஓரூ டூயட்.  கண்ணதாசன் எழுதி சூலமங்கலம் ராஜலட்சுமி இசையமைத்தது. இது ஒரு வித்தியாசமான பாடல். ஏனென்றால் பொதுவாக ஒரு ஆண் தான் பெண்ணை காதல்  விளையாட்டுக்கு அழைப்பான். பெண் ஒதுங்கிப்போவாள். ஆனால் இந்த பாடலில் பெண் காதல் விளையாட்டுக்கு ஆணை  அழைக்கிறாள் . ஆண்  ஓதுங்கி ஒதுங்கிப்போகிறான் . சற்று கூர்ந்து கவனித்தால் இது நன்றாகத் தெரியும். சொல்லப்படும் செய்தி சற்று விரசமாக இருந்தாலும்  கண்ணதாசனின் கற்பனையில் உதித்த பாடலின்  வரிகள்  மிகவும் பொருத்தமாக அமைந்து நம்மை சிந்திக்க வைக்கிறது. கீழே உள்ள பாடலை சொடுக்கவும். நன்றி.
ஜெ எஸ் 

இசையமைப்பாளர் வேதாவின் காலத்தால் அழியாத பாடல்

இது எனக்கு மிகவும் பிடித்த பாடல்களில் ஒன்று.ஏனெனில் இதில் இசையும் பாடலும் மிகவும் அருமை. அத்துடன் இதில் கவனிக்க வேண்டியது மற்றொன்று  உண்டு. அதாவது ஜெய்சங்கரும் விஜயலக்ஷ்மியும் மாறி மாறி பல்லவி பாடியதும் கதாநாயகன் சரணம் பாடும்போது  சிறிது நக்கலாக சந்தேகப்படுவதைப்போல் பாட அதற்கு கதாநாயகி மிகவும் அழகாக மிகவும் சாதுர்யமான பொருத்தமான பதிலைத்தருவாள். இதெல்லாம் காலத்தால் அழியாத பாடல்களாகும். 
ஜெ எஸ்  

JS

Entertainment: JS Blog Spot

Entertainment: JS Blog Spot: "This Blog Spot is created by me on 21st July 2010 at 9.35pm for posting important events. Bye JS"